U Minsku zatrymali chirurha Alenu Cieraškovu
Siłaviki zatrymali skivična-tvarnaha chirurha i kolišniuju aktyvistku «Jeŭrapiejskaj Biełarusi» Alenu Cieraškovu, paviedamili pravaabaroncy z dissidentby.
20.05.2024 / 20:52
Pavodle papiaredniaj infarmacyi, Cieraškova zatrymanaja ŭ ramkach kryminalnaha artykuła ab hrubym parušeńni hramadskaha paradku (častka 1 artykuła 342 KK). Pravaabaroncy pišuć, što žančyna ciapier moža znachodzicca ŭ SIZA. Doma ŭ žančyny zastalisia čaćviora dziaciej.
Alena Cieraškova — rodnaja siastra asudžanaha na 5 hadoŭ kałonii aktyvista hramadskaj kampanii «Jeŭrapiejskaja Biełaruś» Maksima Viniarskaha. Akramia asnoŭnaj prafiesii, jana piśmieńnica, pierakładčyca, u svoj čas była dvuchrazovaj čempijonkaj Biełarusi pa taekvando.
Cieraškovu z mužam užo zatrymlivali ŭ žniŭni 2021 hoda. Čym tady skončyłasia zatrymańnie, nieviadoma.
U Breście hramadzianina Ukrainy asudzili na 6 hadoŭ kałonii za «ahienturnuju dziejnaść»