Amal dźvie traciny palakaŭ padtrymlivajuć umacavańnie miažy ź Biełaruśsiu
Daśledavańnie dla haziety Rzeczpospolita praviała SW Research 14 i 15 maja 2024 hoda. U apytańni pryniali ŭdzieł 800 karystalnikaŭ onłajn-paneli SW Panel, i jano pakazała, što ideju premjer-ministra Donalda Tuska ab budaŭnictvie maštabnych umacavańniaŭ na miažy ź Biełaruśsiu padtrymlivajuć dźvie traciny žycharoŭ Polščy
20.05.2024 / 21:17
Fota ilustracyjnaje
Na pytańnie, ci pavinna Polšča budavać umacavańni (u tym liku zaharody, bunkiery, akopy) na miažy z Rasijaj i Biełaruśsiu, 64,3% respandentaŭ adkazali «tak». Nie zhodnyja z hetym 16,5% apytanych, a 19,2% nie zmahli vyznačycca z adkazam.
Pry hetym bolš prychilnikaŭ umacavańnia miežaŭ siarod starejšaj uzrostavaj katehoryi — «tak» adkazali 67,2% ludziej starejšych za 50 hadoŭ i tolki 53,3% ludziej da 24 hadoŭ.
Siarod mužčyn i žančyn raźbiežka akazałasia nievialikaj: prychilnikami prapanavanych mier źjaŭlajucca 66,3% mužčyn i 62,6% žančyn.
18 traŭnia premjer-ministr Donald Tusk zajaviŭ, što 10 młrd złotych (kala 2,5 młrd dalaraŭ) buduć vydzielenyja na ŭzmacnieńnie achovy ŭschodniaj miažy Polščy. Mierapryjemstvy buduć uklučać budaŭnictva maštabnaj sistemy ŭmacavańniaŭ.
Polšča ŭkładzie va ŭzmacnieńnie abarony ŭschodniaj miažy 2,5 młrd dalaraŭ
U Litvie pamiežnikam daduć ciažkoje ŭzbrajeńnie
Polšča pačała ŭzvodzić elektronny barjer na rekach na miažy ź Biełaruśsiu