Мінадукацыі назвала фэйкам інфармацыю пра намер увесці асобнае навучанне для хлопчыкаў і дзяўчатак
Міністэрства адукацыі абвергла інфармацыю пра нібыта ўвядзенне ў школах Беларусі паасобнага навучання хлопчыкаў і дзяўчынак. Пра гэта прайшла інфармацыя каля двух тыдняў таму.
20.05.2024 / 23:05
Фота: Беларусь сегодня
«Звяртаем вашу ўвагу, што гэтыя даныя не адпавядаюць рэчаіснасці і з'яўляюцца фэйкам. Міністэрства адукацыі ніколі не праводзіла і не плануе праводзіць падобныя эксперыменты», — гаворыцца ў паведамленні Мінадукацыі ў тэлеграме.
Пра тое, што Міністэрства адукацыі нібыта ўхваліла ўвядзенне паасобнага навучання для хлопчыкаў і дзяўчынак у 14 школах краіны, паведамлялі раней прарасійскія актывісты. Яны нават ініцыявалі пад гэтыя патрэбы збор грошай.
Тэхналогію Базарнага раней апрабавалі ў адной са школ Наваполацка па ініцыятыве актывіста Аркадзя Разбаша. Такая методыка навучання яе прыхільнікамі лічыцца здароўезберагальнай.
З 1 верасня ў дзесяцікласнікаў замест Гісторыі Беларусі з'явіцца іншы прадмет
У 14 школах Беларусі ўвядуць асобнае навучанне хлопчыкаў і дзяўчынак