MTBank pastupova zakryvaje svoj papularny pradukt — X-kartku
MTBank paviedamiŭ klijentam ab pastupovym zhortvańni prajekta Ch-kartka. Hety pradukt isnavaŭ z 2017 hoda.
21.05.2024 / 16:52
Ideja Ch-kartki była niezvyčajnaj — karystajučysia adnoj biaspłatnaj fizičnaj kartkaj, klijent moh praz mabilny dadatak «pryviazvać» da jaje lubuju inšuju sa svaich kartak MTBanka.
Ciapier ža paviedamlajecca, što 31 maja 2024 mabilny dadatak «IKS Karta» budzie vydaleny z App Store i Google Play, adpaviedna, źniknie mahčymaść ustanoŭki prahramy na smartfony.
30 žniŭnia 2024 budzie spynieny pieravypusk Ch-kartak. A z 2 śniežnia 2024 mabilny dadatak całkam spynić svaju pracu. Paśla hetaj daty Ch-kartka budzie pracavać jak zvyčajnaja debietavaja kartka biez dadatkovych mahčymaściaŭ.