Śledčyja vyśvietlili abstaviny hibieli mužčyny ŭ Buda-Kašaloŭskim rajonie 25 hadoŭ tamu
Uletku 2023 hoda ŭ adnym z sadavodčych tavarystvaŭ Buda-Kašaloŭskaha rajona pry ziemlanych rabotach ludzi znajšli škilet čałavieka.
22.05.2024 / 10:36
Fota: UUS Homielskaha abłvykankama
Syščykam udałosia adnavić abstaviny zdareńnia i vyznačyć asobu mužčyny, jaki maje dačynieńnie da pachavańnia hetych pareštkaŭ. Jamu 50 hadoŭ, u momant zdareńnia było 25.
Vosieńniu 1999 hoda dvoje mužčyn paznajomilisia kala praduktovaj kramy ŭ Homielskim rajonie.
«Mužčyna prapanavaŭ novamu znajomamu pažyć u jaho ŭ pryvatnym domie, dapamahajučy pa haspadarcy, kali daviedaŭsia, što tamu niama dzie žyć, ź siamjoj suviaź stračana dy zarablaje jon na žyćcio vypadkovym čynam. Zamacavali znajomstva raśpićciom ałkaholu la kramy, praciahnuli ŭ elektryčcy pa šlachu ŭ Buda-Kašaloŭski rajon. Užo na miescy ŭ budaŭničym vahončyku na prysiadzibnym učastku mužčyna pamior. Fihurant, jaki na toj momant mieŭ za plačyma dźvie sudzimaści, spałochaŭšysia kryminalnaj adkaznaści, zakapaŭ cieła ŭ aharodzie», — rastłumačyŭ pradstaŭnik milicyi Hienadź Mielnik.
Zaraz pryznačanyja ekśpiertyzy, ale nie vyklučajecca i kryminalnaja viersija.
Na Viciebščynie raskryli zabojstva, jakoje adbyłosia 25 hod tamu
Śledčy kamitet narešcie raskryŭ zabojstva 25-hadovaj daŭniny. Voś tolki karać užo niama kaho