U Minsku abrali samaha kreatyŭnaha doktara
Finał haradskoha konkursu prafiesijnaha majsterstva «Najlepšy doktar ahulnaj praktyki-2024»prajšoŭ u Biełaruskim dziaržaŭnym miedycynskim kaledžy 22 maja, pišuć Minsk-naviny.
22.05.2024 / 15:51
Fota: Minsk-naviny
U pieršym etapie konkursu (22 krasavika) uziali ŭdzieł 33 čałavieki, u finał vyjšli 13. Usie jany byli z hrupami padtrymki — kalehami z paliklinik.
Kankursanty prademanstravali žury i zaŭziataram tvorčyja numary na nastupnyja temy: «Kab ja zrabiŭ, kali b byŭ hałoŭnym doktaram palikliniki», «Kreatyŭny miedycynski kaścium», «Ja — doktar ahulnaj praktyki!».
Valeryja Siniankova. Fota: Minsk-naviny
Pieramožcam stała Valeryja Siniankova (15-ja haradskaja paliklinika).
Łaŭreatami — Alaksandra Muryna (32-ja haradskaja paliklinika) i Anatol Kaleśnikaŭ (2-ja centralnaja rajonnaja paliklinika).
Sałtan Saŭdadaŭ. Fota: Minsk-naviny
U naminacyi «samy kreatyŭny doktar» pieramohu atrymaŭ Sałtan Saŭdadaŭ (1-ja centralnaja rajonnaja kliničnaja paliklinika).
Pa vynikach konkursu ŭsim udzielnikam uručyli padziaki kamiteta pa achovie zdaroŭja Minharvykankama i hrašovyja siertyfikaty na 200 rubloŭ.