Śviatara z Šumilina Paŭła Lemiecha vypuścili na volu
Pazaŭčora paviedamlałasia, što jaho paśla adbyćcia 10 sutak sudzili paŭtorna.
23.05.2024 / 09:13
Ajciec Pavieł Lemiech
Katalickaha śviatara Paŭła Lemiecha adpuścili na volu, piša katolik.life.
Ajca Paŭła Lemiecha zatrymali razam ź inšym śviatarom — ajcom Andžejem Juchnievičam, jaki taksama słužyć u Šumilinie. Ajcu Lemiechu prysudzili 10 sutak, 21 maja jaho sudzili paŭtorna.
Ajcu Andžeju prysudzili 15 sutak aryštu — hety termin zakančvajecca 23 maja. Akramia taho, sudzili adnu z parafijanak — za padpisku ŭ sacsietcy na staronku, abvieščanuju «ekstremisckaj», jaje pakarali štrafam.
Klirykaŭ zatrymali 8 maja paśla sustrečy śviataroŭ i kansekravanych asobaŭ Viciebskaj dyjacezii ŭ Šumilinie. Padstavy zatrymańnia tady byli nieviadomyja.
Andžej Juchnievič źjaŭlajecca staršynioj kaardynacyjnaj hrupy nastajacielaŭ i pradstaŭnikoŭ manaskich supolnaściaŭ Biełarusi. Heta kaściolny orhan, jaki zajmajecca supracaj pamiž manaskimi ordenami.
Katalickaha śviatara z Šumilina nie vypuścili paśla 10 sutak, sudzili paŭtorna
Stali viadomy prysudy śviataram z Šumilina
Śviataroŭ z Šumilina sudzili dystancyjna, a zatrymali nie tolki ich
U Šumilinie zatrymali dvuch katalickich klirykaŭ