U Minsku vyznačać zony zabarony dla ruchu samakataŭ i monakołaŭ
Pry ŭzajemadziejańni administracyj rajonaŭ stalicy i apierataraŭ srodkaŭ piersanalnaj mabilnaści (samakaty, monakoły dy inš.) u Minsku vyznačać zony zabarony ruchu i abmiežavańnia chutkaści takich srodkaŭ, pišuć Minsk-naviny.
23.05.2024 / 15:26
Ilustracyjnaje fota
U Minharvykankamie prajšła čarhovaja pracoŭnaja sustreča z apieratarami srodkaŭ piersanalnaj mabilnaści. Namieśnik načalnika haradskoha DAI Dzianis Livanovič raskazaŭ, što za čatyry miesiacy 2024 h. kolkaść takich DTZ skłała vosiem vypadkaŭ, tady jak za anałahičny pieryjad minułaha hoda zarehistravany tolki adzin taki incydent. Pačaścilisia vypadki vykarystańnia arendnych SPM niepaŭnaletnimi, a taksama elektrasamakataŭ niekalkimi asobami.
Udzielniki sustrečy abmierkavali pytańnie biaśpiečnaha prajezdu piešachodnych zon i skryžavańniaŭ.
Płanujecca vyznačać učastki, dzie abmiažujuć chutkaść SPM abo zusim zabaroniać pieramiaščacca na ich. Taksama ŭzmocniać pracu sa škołami, baćkami i niepasredna z samakatčykami pa rastłumačeńni praviłaŭ karystańnia SPM i nieabchodnaści datrymlivacca PDR.