Kiraŭnik Minlashasa zahadaŭ, kab laśničym płacili 3 tysiačy rubloŭ čystymi
Inačaj technika pojdzie pa rukach.
24.05.2024 / 08:28
Alaksandr Kulik. Fota: Minlashas
Kiraŭnik Minlashasa Alaksandr Kulik, naviedvajučy Kalinkavicki lashas, rasparadziŭsia padniać zarobak supracoŭnikam.
Na dumku ministra, kali lashasy nie buduć dastojna płacić rabočym, asabliva apierataram lesanarychtoŭčaj techniki, to apošniaja prosta «pojdzie pa rukach», paviedamlaje viedamstva.
«Zarobak u laśničaha pavinien być «čystymi» try tysiačy rubloŭ! Vy ŭdumajciesia: heta kiraŭnik, jaki arhanizoŭvaje pracu 30 čałaviek i na jakim lažyć vialikaja adkaznaść!» — vykazaŭsia Kulik.
Čynoŭnik adznačyŭ, što siaredni zarobak laśničych ciapier daloki ad hetych ličbaŭ. Kulik pastaviŭ zadaču pierahledzieć hety pakazčyk.
Pa dadzienych na sakavik 2024 hoda, siaredniaja zarpłata pa krainie ŭ rabotnikaŭ sielskaj, lasnoj i rybnaj haspadarak składała 1701 rubiel da vypłaty padatkaŭ i zboraŭ.