Прэзідэнт Чэхіі атрымаў траўму, катаючыся на матацыкле
Пра тое, што чэшскі прэзідэнт Пётр Павел атрымаў траўму, катаючыся на матацыкле, паведамілі ў ягонай прэс-службе.
23.05.2024 / 23:07
Траўму ў канцылярыі прэзідэнта Чэхіі назвалі несур'ёзнай, аднак 62-гадовы прэзідэнт мусіць усё ж нейкі час прабыць пад наглядам у бальніцы.
Пэтр Павел — аматар язды на матацыкле, і ён не пакінуў гэтага свайго хобі і пасля выбрання прэзідэнтам.
Чэшская паліцыя не расследуе гэтую аварыю, паколькі яна адбылася не на дарозе, а на закрытай тэрыторыі.
Раней, у красавіку, Пэтр Павел атрымаў раненне ў твар падчас стральбы на вайсковым стрэльбішчы. Падчас стральбы з доўгага пісталета з оптыкай ён атрымаў невялікую рваную рану ў раёне брыва, але тая траўма не патрабавала медыцынскай дапамогі.
Прэзідэнт Чэхіі прапанаваў Украіне аддаць тэрыторыі ўзамен за мір
Ціханоўская ўзнагародзіла прэзідэнта Чэхіі Крыжам добрасуседства
Выздараўленне прэм'ера Славакіі зойме некалькі тыдняў