MARH aštrafavaŭ dva bujnyja pryvatnyja miedcentry
Miedcentr «Ekamiedservis» i sietka łabaratoryj «Invitra» byli pakaranyja za parušeńnie zakona ab cenaŭtvareńni.
24.05.2024 / 15:59
Ministerstva antymanapolnaha rehulavańnia i handlu ŭstanaviła, što miedcentry parušyli praviły vyznačeńnia taryfaŭ na UHD. Ekanamičny sud Minska pryniaŭ arhumienty MARH i aštrafavaŭ słužbovych asob i ŭstanovy.
Miedcentry, na dumku viedamstva, parušyli pałažeńni instrukcyi ab paradku vyznačeńnia i prymianieńnia taryfaŭ na płatnyja miedycynskija pasłuhi, zaćvierdžanaj Ministerstvam achovy zdaroŭja 3 lutaha 2015 hoda. U dakumiencie havorycca, što «taryfy na kompleksy pasłuh pa pramianiovaj i ultrahukavoj dyjahnostycy farmujucca šlacham padsumoŭvańnia taryfaŭ na pasłuhi, uklučanyja ŭ kompleks, z užyvańniem kaeficyjenta zhodna z dadatkam».
Pastanovu suda centry abskardžvać nie stali. U MARH nahadali, što za takija parušeńni mahčymy štraf da 40 bazavych vieličyń (1600 rubloŭ).
Salihorski «Šachcior» aštrafavali i adchilili ad jeŭrakubkaŭ
Futbolnaha fanata z Pastaŭ aštrafavali za razhałošvańnie piersanalnych źviestak