Minharvykankam: Usie vypusknyja viečary ŭ Minsku projduć va ŭstanovach adukacyi
Pačnucca vypusknyja viečary a 21:00, a zavieršacca ranicaj — na dośvitku: zapłanavana ŭračystaja častka i zabaŭlalnaja.
25.05.2024 / 07:51
Usie vypusknyja ŭ Minsku buduć prachodzić va ŭstanovach adukacyi, ale jość niekatoryja vyklučeńni, zajaviŭ u efiry telekanała ANT staršynia Kamiteta pa adukacyi Minharvykankama Andrej Stryhielski, piša «Sputnik».
Jon nahadaŭ, što vypusknyja viečary pravodziacca 14 červienia, heta tradycyjnyja mierapryjemstvy, u ich asnovie — raźvitańnie sa škołaj, piedahohami, dziacinstvam.
«Vypusknyja viečary pravodziacca ŭ ścienach svaich ustanoŭ adukacyi.
Niekalki ŭstanoŭ u Minsku, jakija praviaduć vypusknyja viečary na bazie ŭstanoŭ kultury. Heta źviazana z tym, što pravodziacca ramontnyja raboty abo aktavyja zały małoj umiaščalnaści, jakija nie dazvalajuć usich achvotnych pryniać», — skazaŭ Stryhielski.
Jon dadaŭ, što pačnucca vypusknyja a 21:00, a zavieršacca a 4-6 hadzinie ranicy. Sustreču dośvitku jon nazvaŭ dobraj tradycyjaj, jakuju imknucca zachavać.
Minadukacyi kateharyčna zabaraniła vypusknyja ŭ kaviarniach i restaranach
Minadukacyi nazvała daty ispytaŭ