Viertalot Pašyniana ździejśniŭ vymušanuju pasadku na haradskim stadyjonie
25.05.2024 / 10:30
Pašynian: «Darahija maje, sa mnoj usio dobra».
Fota: news.am
Viertalot premjer-ministra Armienii Nikoła Pašyniana ekstranna ździejśniŭ vymušanuju pasadku na stadyjonie horada Vanadzor za 132 km na poŭnač ad Jerevana, pišuć uradavyja telehram-kanały.
Pašynian nakiroŭvaŭsia ŭ horad Tašyr na miažy z Hruzijaj za 152 km na poŭnač ad Jerevana. Pa inšych dadzienych, premjer Armienii nakiroŭvaŭsia ŭ nasieleny punkt Bahanis na miažy z Azierbajdžanam, dzie niadaŭna była delimitavanaja armiana-azierbajdžanskaja miaža.
«Darahija maje, usio ŭ paradku. Z-za drennych umoŭ nadvorja naš viertalot ździejśniŭ niezapłanavanuju pasadku ŭ Vanadzory. Ciapier my praciahvajem šlach na aŭtamabili. Žadaju ŭsim dobraha dnia», — paviedamiŭ Pašynian.