У Папуа-Новай Гвінеі з-за апоўзня загінулі больш за 300 чалавек
Апоўзень адбыўся а трэцяй ночы, калі ўсе спалі.
25.05.2024 / 10:59
Фота: Benjamin Sipa / AP
Больш за 300 чалавек загінулі ў выніку апоўзня, які адбыўся на поўначы Папуа — Новай Гвінеі, піша «Медуза».
Апоўзень адбыўся каля 3:00 ночы па мясцовым часе (20:00 па Мінску) у вёсцы Карколам, размешчанай у правінцыі Энга, за 600 кіламетраў ад сталіцы краіны Порт-Морсбі. Апоўзень разбурыў 1182 дамы.
Ад апоўзня пацярпелі не менш за шэсць вёсак.
Аўстралійская тэлерадыёвяшчальная карпарацыя паведаміла 25 мая, што ратавальнікі, якія прыбылі ў маланаселены раён, дасталі з-пад зямлі чатыры целы. Апоўзень заблакаваў доступ да шашы, таму да пацярпелага раёна можна дабрацца толькі на верталётах.