Biełaruskija kamunisty abrali sabie novaha pravadyra
Pieršym sakratarom CK Kamunistyčnaj partyi Biełarusi abrany Siarhiej Syrankoŭ. Takoje rašeńnie pryniata na X Plenumie CK KPB, piša BiełTA
25.05.2024 / 13:17
Da siońniašniaha dnia Siarhiej Syrankoŭ byŭ druhim sakratarom CK KPB (sakratarom pa ideałohii), a partyju ŭznačalvaŭ Alaksiej Sokał.
Syrankovu — 40 hadoŭ, jon z Krasnapolla. Skončyŭ Mahiloŭski ŭniviersitet imia Kulašova pa śpiecyjalnaści «Anhlijskaja i niamieckaja movy», Akademiju kiravańnia.
Pracavaŭ nastaŭnikam, dyrektaram škoły, hałoŭnym śpiecyjalistam adździeła ideałahičnaj raboty, načalnikam adździeła pa adukacyi, sporcie i turyźmie Krasnapolskaha rajvykankama; pieršym namieśnikam načalnika Hałoŭnaha ŭpraŭleńnia pa adukacyi Mahiloŭskaha abłvykankama. Byŭ deputatam Krasnapolskaha rajsavieta deputataŭ, Mahiloŭskaha abłasnoha savieta deputataŭ.