Ułady Litvy razam ź inšymi krainami, jakija miažujuć z Rasijaj, płanujuć uźvieści «ścianu ź bieśpiłotnikaŭ»
Heta budzie ściana z dronaŭ, što praciahniecca z Narviehii da Polščy.
25.05.2024 / 13:39
Ilustracyjnaje fota belstu.by
Ułady Litvy razam ź inšymi krainami, jakija miažujuć z Rasijaj, płanujuć uźvieści «ścianu ź bieśpiłotnikaŭ», kab abaranić svaje miežy, paviedamiła ministr unutranych spraŭ krainy Ahnie Biłatajcie paśla sustrečy ŭ Ryzie z kalehami z Łatvii i Estonii, a taksama Finlandyi, Narviehii i Polščy.
«Heta zusim novaja reč — ściana z dronaŭ, jakaja praciahnułasia ad Narviehii da Polščy. Meta składajecca ŭ tym, kab vykarystoŭvać drony i inšyja technałohii dla abarony našych miežaŭ, — skazała jana ahienctvu BNS. — Nie tolki z dapamohaj fizičnaj infrastruktury, sistem nazirańnia, ale i z dapamohaj bieśpiłotnikaŭ i inšych technałohij, jakija dazvolać nam abaranicca ad pravakacyj z boku niedružalubnych krain i praduchilić kantrabandu».
Akramia raźmiaščeńnia bieśpiłotnikaŭ dla nazirańnia za miažoj, krainy taksama buduć vykarystoŭvać sistemy abarony, zdolnyja spynić drony.