U najbližejšyja dni Biełaruś nakryje pustynny pył z Centralnaj Azii

Uviečary 28 maja Biełaruś nakryje pyłam z prykaśpijskich stepaŭ. Jaho pryniasie mocny viecier z Kazachstana, Uźbiekistana, Turkmienistana i Rasii. Macniej za ŭsio pustynny pył nakryje paŭdniovyja i paŭdniova-zachodnija rajony krainy. Zakranutyja buduć vyšyni 500-1500 mietraŭ, a pik «zabrudžvańnia» prypadzie na noč z 28 pa 29 maja.

27.05.2024 / 17:20

Zdymak ilustracyjny. Fota: travelsnippetsandmore.com

Padčas padobnych intensiŭnych vypadzieńniaŭ pustynnaha pyłu moža naziracca pamutnieńnie nieba, niaznačnaje paharšeńnie bačnaści i vypadzieńnie słabych «hrazievych» daždžoŭ.

Adnak sinoptyki zapeŭnivajuć, što mocna pył nie paŭpłyvaje na zvykły chod žyćcia zvyčajnych biełarusaŭ. «Nu, moža, pryhožyja zachody i śvitanki buduć», — žartujuć sinoptyki z telehram-kanała nadvorie.

«Anłajnier» źviarnuŭsia ŭ Biełhidramiet, kab daviedacca, jak doŭha praciahniecca hetaja źjava i nakolki jana budzie bačnaja.

«Tak, sapraŭdy, antycykłon pryniasie z pustyniaŭ Centralnaj Azii bolš zapylenaje pavietra. Niešta padobnaje my ŭžo mahli nazirać u pačatku krasavika, kali viatry prynieśli pył z Sachary i pry jasnym nadvorji było prykmietnaje bolš mutnaje nieba.

Nakolki heta niebiaśpiečna dla zdaroŭja — heta bolš pytańnie da ekołahaŭ ŭžo. Ale z dobrych navin toje, što da siaredziny tydnia pavietranyja płyni źmieniacca i ŭvieś pył źniasuć, — skazała načalnica słužby mieteaprahnozaŭ Taćciana Čatyrka.

Da +30°S. Prahnoz nadvorja na apošnija dni viasny.

Nastupnyja jak minimum 10 dzion u Minsku budzie da +28°S

Biełhidramiet: Naš prahnoz spraŭdžvajecca bolš čym na 96%

Nashaniva.com