Znoŭ sudziać palitviaźnia, asudžanaha na 6 hadoŭ. A milicyjant, praź jakoha pasadzili Cichanoŭskaha, choča spahnać ź jaho «maralnuju škodu»
Michaiła Tarasieviča raniej asudzili da šaści hadoŭ pa šaści artykułach. Ciapier dadalisia jašče dva artykuły.
28.05.2024 / 08:00
Michaił Tarasievič. Fota ź jahonaj staronki Ukantakcie
Michaiłu Tarasieviču 48 hadoŭ. Jon ź Minska. Mužčynu zatrymali 10 maja 2022 i źmiaścili ŭ SIZA.
Jaho abvinavačvali pa šaści artykułach — «abraza pradstaŭnika ŭłady» (art. 369 KK), «hvałt abo pahroza hvałtu ŭ adnosinach da słužbovaj asoby» (č. 1 i č. 2 art. 366 KK), «hvałt abo pahroza hvałtu ŭ adnosinach da milicyjanta» (art. 364 KK), «abraza sudździ» (art. 391 KK) i «abraza Łukašenki» (č. 1 art. 368 KK). Prysud Michaiłu vynieśli ŭ listapadzie 2022-ha — šeść hadoŭ kałonii ŭzmocnienaha režymu. Taksama jon pavinien spłacić 49 tysiač rubloŭ.
Ale 29 maja 2024 pačniecca čarhovy sud nad Michaiłam. Jaho abvinavačvajuć jašče pa troch artykułach — «raspalvańnie varožaści» (č. 1 art. 130 KK), «abraza pradstaŭnika ŭłady» (art. 369 KK) i «abraza Łukašenki» (č. 1 art. 368 KK). Imavierna, jaho čakaje pavieličeńnie terminu pakarańnia.
A na 19 červienia 2024 zapłanavany jašče adzin sud — «pra kampiensacyju maralnaj škody pa spravach honaru i hodnaści». U jakaści taho, chto padaŭ pazoŭ, ukazany Uładzimir Kazłoŭski — milicyjant z Hrodna, jaki paŭdzielničaŭ u pravakacyi suprać Siarhieja Cichanoŭskaha. U vyniku hetaj pravakacyi jaho zatrymali, a paśla prysudzili 18 hadoŭ kałonii.
Uładzimir Kazłoŭski (źleva). Fota hrodzienskaha UUS
Ahułam Kazłoŭski stanam na 2022 hod adsudziŭ u palitviaźniaŭ bolej za dziesiać tysiač rubloŭ.
U hety ž dzień budzie razhladacca pazoŭ jašče adnaho milicyjanta, amapaŭca Jaŭhiena Sarokina. Zhodna z kanałam «Karniki Biełarusi», jon razhaniaŭ pratesty ŭ Hrodna.
Sprava naleva: haradzienskija amapaŭcy Jaŭhien Sarokin i Viačasłaŭ Źmitrevič
67-hadovaja biełaruska viarnułasia sa Šviecyi. Ciapier joj pahražaje da dziesiaci hadoŭ turmy
Tłumačym, jakim čynam siłaviki znachodziać karystalnikaŭ Telegram i jak hetaha paźbiehnuć