U Mahilovie buduć sudzić mastačku, jakaja źniała videa na vybarčym učastku
29 maja sud Leninskaha rajona Mahilova pačnie praces pa kryminalnaj spravie adnosna mastački-kieramistki Aleny Karpienki. Jaje abvinavačvajuć u «paklopie» na Łukašenku (art. 370 KK RB). Sudovy praces zafiksavany ŭ raskładzie suda, piša Mayday.team.
27.05.2024 / 22:27
Alena Karpienka
Alenu Karpienku zatrymali ŭ adziny dzień hałasavańnia 25 lutaha, kali jana zafiksavała na videa zahadzia zakryty ŭčastak dla hałasavańnia (UVK № 87), jaki raźmiaščaŭsia na terytoryi Mahiloŭskaj psichijatryčnaj balnicy.
Dziaržaŭnaja prapahanda zajaviła, što Karpienka nibyta adpraviła videarolik u «ekstremiscki kanał», choć sama dziaŭčyna paviedamiła, što adpraviła videa svajoj siabroŭcy, jakaja znachodzicca za miažoj.
Tady ŭ dačynieńni da Aleny zaviali administracyjnuju spravu, asudzili i adpravili ŭ izalatar časovaha ŭtrymańnia. Vierahodna, z taho času jana na volu nie vychodziła.
Alena Karpienka — mastačka-kieramistka z Mahilova, vučyłasia ŭ Minsku na architekturnym fakultecie BNTU. Vyrablaje roznyja ŭpryhažeńni i posud z kieramiki, a taksama zajmajecca kalihrafijaj i žyvapisam.
Palitźniavolenuju Alaksandru Kasko znoŭ buduć sudzić
Zavočna buduć sudzić pravaabaroncu Alenu Maślukovu
Zavočny sud nad Franakam Viačorkam pačniecca ŭ apošni dzień viasny