U Minsk znoŭ jedzie ministr zamiežnych spraŭ Vienhryi
29 maja płanujecca rabočy vizit u Biełaruś ministra zamiežnych spraŭ i zamiežnaha handlu Vienhryi Pietera Sijarta.
28.05.2024 / 11:19
Pieter Sijarta. Fota: BiełTA
Kiraŭnik vienhierskaha zamiežnapalityčnaha viedamstva sumiesna ź ministram Siarhiejem Alejnikam praviaduć u Minsku 12-je pasiadžeńnie mižuradavaj biełaruska-vienhierskaj kamisii pa ekanamičnym supracoŭnictvie, paviedamlaje MZS Biełarusi.
Miarkujecca abmierkavać šerah prykładnych handlova-ekanamičnych i inviestycyjnych pytańniaŭ.
U fokusie raboty buduć «temy ŭzajemadziejańnia ŭ śfierach enierhietyki, sielskaj haspadarki, pramysłovaj kaapieracyi, achovy zdaroŭja, farmaceŭtyki, budaŭnictva, sportu, turyzmu, adukacyi i navuki».
U ramkach vizitu taksama zapłanavana praviadzieńnie biznes-forumu, jaki adkryjuć kiraŭniki MZS Biełarusi i Vienhryi. U chodzie znachodžańnia Pietera Sijarta ŭ Minsku taksama adbuducca pieramovy ministraŭ zamiežnych spraŭ u vuzkim i pašyranym składach.
Sijarta pryjazdžaŭ u Minsk viasnoj minułaha hoda.
U aficyjnaha Minska zastalisia ŭsiaho try pasły ŭ krainach Jeŭrasajuza z raniejšych 15
Kiraŭnik MZS Vienhryi: My zaŭsiody budziem zachoŭvać kanały kamunikacyi ź Biełaruśsiu