U aeraporcie Vilni ździejśniŭ pasadku spartyŭny samalot ź Biełarusi. Što adbyłosia?
Samalot ździejśniŭ pasadku ŭčora. Pa słovach pradstaŭnika Litoŭskich aeraportaŭ, pierad tym, jak jamu dali dazvoł na pasadku byli praviedzienyja pracedury pravierki, piša Delfi.lt.
29.05.2024 / 15:16
Na sajcie Flightradar pakazali, što 28 maja, u 8.30 u Vilni pasadku ździejśniŭ nievialiki spartyŭny samalot (rehistracyjny numar EW—535sl).
Paviedamlajecca, što pa dastupnych dla ŭsich danych, vidać, što samalot naležyć pryvatnamu aeradromu, jaki znachodzicca kala Minska.
Pradstaŭnik litoŭskich aeraportaŭ Tadas Vasilaŭskas paćvierdziŭ, što samalot prylacieŭ ź Minska, pravodziłasia strohaja pracedura ŭzhadnieńnia palotu i pravierki. Samalotam kiravała pryvatnaja asoba.
«Paśla pracedury pravierki samalotu dazvolili ździejśnić pasadku ŭ Vilenskim aeraporcie», — skazaŭ jon.
Pavodle jaho, takija pracedury raspaŭsiudžvajucca na ŭsie nierehularnyja rejsy.