U Biełarusi płanujecca ŭvieści kryminalnuju adkaznaść daŭžnikoŭ
Jana budzie pahražać za naŭmysnaje ŭchileńnie ad vykanańnia rašeńniaŭ suda.
27.01.2010 / 16:14
Pra heta siońnia na pres-kanfierencyi paviedamiŭ ministr justycyi Biełarusi Viktar Hałavanaŭ.
U minułym hodzie, pavodle źviestak Miniusta, z 1,9 młn. vykanaŭčych dakumientaŭ amal 13 pracentaŭ byli zakončany aktami ab niemahčymaści spahnańnia. Takim čynam, nie ŭdałosia atrymać kala Br44 młrd. U pryvatnaści, heta adbyvajecca ad taho, što daŭžniki naŭmysna chavajuć majomaść, dachody, nie pracujuć.
Mienavita tamu za naŭmysnaje ŭchileńnie ad vykanańnia rašeńniaŭ suda i budzie ŭviedziena kryminalnaja adkaznaść.
Adnak ministr adznačyŭ, što, chutčej za ŭsio, heta nie budzie pazbaŭleńnie voli, a buduć
inšyja vidy kryminalnaha pakarańnia.Heta budzie pravodzicca ŭ ramkach zakanadaŭstva i Kanstytucyi Biełarusi.
Kryminalnaja adkaznaść adnosna daŭžnikoŭ užo ŭviedziena ŭ Litvie, Kazachstanie, Izraili i inšych krainach.