U Homieli za «ekstremizm» asudzili dyrektara kinateatra
Stała viadoma, što za raspaŭsiud «ekstremisckich» materyjałaŭ byŭ zatrymany kiraŭnik homielskaha kinateatra imia Kalinina Alaksandr Bałsunoŭski, piša «Homielskaja viasna».
29.05.2024 / 21:13
29 traŭnia ŭ sudzie Centralnaha rajona h. Homiela na Alaksandra Bałsunoŭskaha było nakładziena administracyjnaje spahnańnie pa častcy 2 artykuła 19.11 (raspaŭsiud, vyrab, zachoŭvańnie, pieravozka infarmacyjnaj pradukcyi, jakaja ŭtrymlivaje zakliki da ekstremisckaj dziejnaści albo prapahanduje takuju dziejnaść) KaAP RB. Pastanovu suda vynosiŭ sudździa Viktar Kazačak.
Pravaabaroncy vyśviatlajuć, jakoje mienavita administracyjnaje spahnańnie było nakładziena na Bałsunoŭskaha.
Heta ŭžo druhi vypadak pakarańnia za «raspaŭsiud ekstremizmu» kiraŭnikoŭ homielskich ustanoŭ kultury. U studzieni hetaha hoda pad pieraśled trapiŭ dyrektar Homielskaha teatra lalek Dźmitryj Harelik.
Zatrymali akciora TIUHa Alaksandra Hładkaha
Zatrymali biełaruskamoŭnaha viadučaha i dyrektara kreatyŭnaha ahienctva Andreja Papłaŭskaha