34-hadovy nieanacyst ź dziasiatkam sudzimaściaŭ — stała viadoma pra biełarusa, jaki zahinuŭ padčas miasnych šturmaŭ Aŭdziejeŭki
Ihnatu Daniłoviču było 33 hady. Rodam jon z Połacka, imavierna, z prablemnaj siamji — jahony baćka byŭ asudžany za razboj, kali chłopiec byŭ zusim mały. Siamja pierajechała ŭ Rečycu, dzie Ihnat atrymaŭ siaredniuju śpiecyjalnuju adukacyju. Praŭda, miarkujučy pa bazach «Kibierpartyzanaŭ», u Biełarusi jon aficyjna nidzie nie pracavaŭ, akramia kałonij.
11.06.2024 / 07:00
Ihnat Daniłovič. Fota ź jahonaj staronki Ukantakcie
Daniłovič prytrymlivaŭsia nieanacysckich praimpierskich pohladaŭ. Usie jahonyja sacsietki zabityja simvałami ruskich nieanacystaŭ, a mužčyna na niekatorych fota pakazvaje nacysckaje vitańnie.
Skrynšoty sa staronki Ihnata Daniłoviča Ukantakcie
Daniłovič atrymaŭ pieršuju sudzimaść u 2004-m, kali jamu było 16 hadoŭ. Byŭ vyzvaleny pa amnistyi. Naprykancy taho ž hoda znoŭku sieŭ za kraty za kradziož i rabavańni na dva hady, byŭ vyzvaleny daterminova.
Pa vyzvaleńni jon pajechaŭ u Rasiju i praciahnuŭ kraści ŭ Sočy. Ahułam atrymałasia kala dziesiaci epizodaŭ, u śniežni 2005-ha jamu prysudzili dva hady pazbaŭleńnia voli i adpravili ŭ vychavaŭčuju kałoniju. Vyzvaliŭsia Daniłovič ŭ sakaviku 2007-ha.
Čym jon zajmaŭsia, niezrazumieła, ale ŭ 2009-m znoŭku sieŭ za kradziož, tolki ŭžo ŭ Naŭharodskaj vobłaści. Jamu prysudzili dva hady. Vyjšaŭ Daniłovič u kastryčniku 2011-ha i pajechaŭ na radzimu.
Ihnat Daniłovič. Fota ź jahonaj staronki Ukantakcie
Pradkazalna, u Biełarusi jon praciahnuŭ kraści i atrymaŭ jašče dźvie sudzimaści — u mai 2012-ha i ŭ kastryčniku 2013-ha.
U 2015-m mužčyna vyzvaliŭsia z kałonii №20 u Mazyry. Paśla hetaha jon pajechaŭ u Rasiju i ździejśniŭ niekalki dziasiatkaŭ kradziažoŭ, razbojnych napadaŭ i rabavańniaŭ u šerahu haradoŭ Rasii, a taksama ŭ Biełarusi. Za heta jamu prysudzili dziesiać z pałovaj hadoŭ kałonii strohaha režyma. Vyzvalicca mužčyna musiŭ u 2029-m hodzie.
Ihnat Daniłovič. Fota ź jahonaj staronki Ukantakcie
Ale jon vybraŭ inšy šlach — zavierbavaŭsia na vajnu. Ale atrymać amnistyju nie atrymałasia, bo Daniłovič zahinuŭ u 2022-m hodzie pad ukrainskaj Aŭdziejeŭkaj.
U 2022-m siły tak zvanych «ŁNR» i «DNR» pry padtrymcy rasijskaj armii niekalki razoŭ sprabavali šturmavać horad, ale štoraz ciarpieli parazy i adstupali ź vialikimi stratami. U adnoj z takich chvalaŭ i zahinuŭ Daniłovič.
Rasijanie zdoleli zachapić Aŭdziejeŭku tolki ŭ 2024-m — užo biez Daniłoviča. A jaho paśmiarotna ŭznaharodzili miedalom. Pachavali biełarusa na Stararuskich mohiłkach u Rečycy.
Aktyŭny ŭdzielnik pratestaŭ-2020 pajšoŭ vajavać za «DNR». Tam i zahinuŭ