«Dla administracyi kałonii Kaleśnikava i Marfa Rabkova adnolkava niebiaśpiečnyja»
Palitźniavolenaja, jakaja niadaŭna vyjšła z žanočaj kałonii ŭ Homieli, raskazała «Našaj Nivie» pra toje, da kaho ź viaźniaŭ u administracyi asablivaje staŭleńnie.
31.05.2024 / 12:21
Marfa Rabkova — anarchistka, kaardynatarka vałanciorskaj słužby «Viasny». Naradziłasia ŭ 1995 hodzie. Była aryštavanaja ŭ vieraśni 2020 hoda. Rabkovaj vystavili abvinavačańnie pa 12 kryminalnych artykułach i prysudzili 14 hadoŭ i 9 miesiacaŭ źniavoleńnia.
«U kałonii jość 18 atrad, dzie znachodzicca tolki adna palitźniavolenaja — kali ja zajechała, heta była Maryja Kaleśnikava. Potym treba było vyzvalić miesca dla Marfy Rabkovaj, i Kaleśnikavu pieraviali ŭ pamiaškańnie kamiernaha typu (PKT), a Marfu — u 18 atrad. Heta atrad dla adnaho čałavieka, dzie ŭsie nastrojenyja suprać adnoj palityčnaj.
Nie viedaju, što administracyja płanuje dla Marfy. Ale dla ich Rabkova i Kaleśnikava — adnolkava niebiaśpiečnyja, ich treba całkam izalavać ad usich. Kali źjavicca jašče adna takaja ž «niebiaśpiečnaja» žančyna, mahčyma, Marfu taksama pieraviaduć u PKT».