Paśpiachova zaviaršyŭsia zbor na padtrymku dziaciej palitviaźniaŭ
U ramkach dabračynnaha zboru dla dziaciej biełaruskich palitviaźniaŭ, jaki apošnija hady tradycyjna pravodzicca ŭ hety čas, sabrali ŭsiu nieabchodnuju sumu — bolš za 23400 jeŭra. Pra heta paviedamiŭ Andrej Stryžak, kiraŭnik fondu salidarnaści BySol, na płatformie jakoha pravodziŭsia zbor.
01.06.2024 / 19:41
Fota: Bysol
Sabranyja hrošy nakirujuć na dapamohu ŭ arhanizacyi letniaha adpačynku dzieciam ciapierašnich i byłych palitviaźniaŭ. Na kožnaje dzicia da 16 hadoŭ vypłaciać dapamohu ŭ pamiery 100 jeŭra. Usiaho pastupiła 234 zajaŭki.
Letaś na adpačynak dziaciej palitviaźniaŭ biełarusy sabrali 28006 jeŭra. Dapamohu tady atrymali 270 dziaciej sa 149 siemjaŭ.
Tradycyjnaja dziciačaja akcyja sioleta ładziłasia prajektam «Chutkaja humanitarnaja dapamoha», kudy ŭvachodziać Fondy Bysol, By_Help, «Strana dla žiźni», Dissidentby i Asacyjacyja biełaruskaha biznesu za miažoj (ABBA).
Srodki, sabranyja padčas marafonu salidarnaści «Nam nie ŭsio adno», całkam raźmierkavanyja
Biełarusy za try dni sabrali nieabchodnuju sumu dla byłoj salistki Bresckaj fiłarmonii