Bufiernaja zona na miažy Polščy ź Biełaruśsiu źjavicca 4 červienia
Pra adnaŭleńnie z 4 červienia bufiernaj zony na miažy ź Biełaruśsiu zajaviŭ na pres-kanferencyi ŭ horadzie Tamašaŭ-Mazaviecki vice-premjer Polščy — ministr nacyjanalnaj abarony Uładzisłaŭ Kasiniak-Kamyš.
01.06.2024 / 20:29
Ministr abarony Polščy Uładzisłaŭ Kasiniak-Kamyš. Fota: AP Photo/Czarek Sokolowski
Pavodle słoŭ čynoŭnika, u hety dzień nabudzie moc pastanova Ministerstva ŭnutranych spraŭ i administracyi z časovaj zabaronaj na znachodžańnie ŭ pamiežnaj pałasie.
Bufiernaja zona achopić pieravažna Hajnaŭski paviet (26 nasielenych punktaŭ), taksama ŭ jaje ŭvojdzie adzin nasieleny punkt Biełastockaha pavieta Padlašskaha vajavodstva.
Adznačajecca, što «ŭ suviazi z abvastreńniem hibrydnaj ahresii na polska-biełaruskaj miažy i incydentami, jakija pryviali da ranieńniaŭ sałdat Vojska Polskaha», polskaje Ministerstva nacyjanalnaj abarony vyrašyła «aktyvizavać namahańni pa supraćdziejańni aktam ahresii suprać asabovaha składu Uzbrojenych sił».
Abmiežavańni ŭvodziacca spačatku na 90 dzion, a paśla i mohuć być padoŭžanyja.
Na hetym tydni ŭłady Polščy paviedamili pra niekalki vypadkaŭ napadu mihrantaŭ na miažy ź Biełaruśsiu, u vyniku jakich było paraniena ahułam try vajskoŭcy i dva pamiežniki. Hetyja incydenty i stali asnoŭnaj pryčynaj, dziela jakoj polski ŭrad pryniaŭ rašeńnie ab uzmacnieńni achovy miažy, u tym liku i ab uviadzieńni bufiernaj zony.
La polskaj ściany na miažy ź Biełaruśsiu vierniki praviali malitvu FOTAFAKT
Jašče dva polskija sałdaty atrymali ranieńni na miažy ź Biełaruśsiu
Polskija pamiežniki pakazali zbroju mihrantaŭ na miažy ź Biełaruśsiu
Polšča płanuje zaminiravać miažu ź Biełaruśsiu i Rasijaj
Na što Polšča patracić $2,5 miljarda, pryznačanych na ŭmacavańnie miažy ź Biełaruśsiu?