Rasijskija ataki pryviali da krytyčnaha stanu najbujniejšuju hidraelektrastancyju Ukrainy
1.06.2024 / 22:34
Dniaproŭskaja hidraelektrastancyja (DniepraHES) u Zaparožžy na hety momant znachodzicca ŭ krytyčnym stanie ŭ vyniku rakietnaj ataki Rasii pa horadzie ŭ noč na 1 červienia, paviedamiŭ kiraŭnik Zaparožskaj abłasnoj vajennaj administracyi Ivan Fiodaraŭ.
DniepraHES. Fota ilustracyjnaje
«Ciapier u krytyčnym stanie znachodzicca DniepraHES, havorka nie idzie navat pra vypracoŭku elektraenierhii. Pierakryty całkam ruch ź levaha bieraha na pravy, tamu žychary abmiežavanyja ŭ trafiku. Siońnia ŭ jakaści abjezdu vykarystoŭvajecca dva masty, na jakich naładžanaja łahistyka ŭ abodva baki. Vychadnyja pakul budziem tak», — havorycca ŭ paviedamleńni rehijanalnaha čynoŭnika.
Raniej ruch aŭtamabilnaha transpartu pa płacinie Dniaproŭskaj hidraelektrastancyi byŭ całkam pierakryty na 1-2 červienia z-za rakietnaj ataki Rasii pa Zaparožžy ŭ noč na 1 červienia.