Padčas finalnaha matču Lihi čempijonaŭ na pole vybieh fanat homielskaha treš-błohiera
Fanat skandalna viadomaha treš-błohiera Mellstroy, jaki pachodzić z Homiela, vybieh na pole padčas finalnaha matču Lihi čempijonaŭ pamiž dortmundskaj «Barusijaj» i madrydskim «Reałam», jaki prachodzić na stadyjonie «Uembli» ŭ Łondanie.
01.06.2024 / 23:00
Chłopiec paśpieŭ zrabić sełfi z hulcami «Reała» Džudam Bielinhiemam i Vinisiusam Žunijoram, a zatym jaho zatrymali.
Raniej Mellstroy abiacaŭ vypłacić 30 młn rasijskich rubloŭ (kala 333 tysiač jeŭra) tamu, chto vybiežyć na pole padčas finału Lihi čempijonaŭ u futbołcy ź jahonym łahatypam.
Pierad hetym, 21 sakavika, prychilnik Mellstroy vybieh na pole padčas matču Rasija — Sierbija na maskoŭskim stadyjonie «Dynama», vykonvajučy inšy čelendž błohiera. Ale hrošaj za heta jon, kažuć, nie atrymaŭ. Uvohule heta firmovy styl Mellstroy — abiacać za niešta hrošy, ale paśla abiacanaje nie vykonvać abo vykonvać tolki častkova.
Mellstroy — heta ŭradženiec Homiela Andrej Burym. Skandalnuju viadomaść jon atrymaŭ u 2020 hodzie, kali padčas adnaho sa svaich strymaŭ źbiŭ dziaŭčynu. Paśla hetaha na Buryma zaviali kryminalnuju spravu. U vyniku jamu pryznačyli paŭhoda vypraŭlenčych rabot i štraf.
Niekatory čas błohier žyŭ u Dubai, a ŭ lutym hetaha hoda pierasialiŭsia ŭ Turcyju. Tam jon chavaŭsia ad zaviedzienaj kryminalnaj spravy za ŭchileńnie ad słužby ŭ armii. Paśla jon zmoh vyrašyć svaje prablemy i viarnuŭsia ŭ Maskvu, ale ŭ chutkim časie jaho znoŭ stali pieraśledavać, vierahodna, pa zapycie Biełarusi.
Homielskaha treš-strymiera Mellstroy znoŭ šukaje MUS Rasii. Imavierna, pa zapycie Biełarusi
Homielski vajenkam Kryvanosaŭ paabiacaŭ zrabić z treš-strymiera Mellstroy «hodnaha bajca»
Na homielskaha błohiera, jaki źbiŭ dziaŭčynu ŭ žyvym efiry, zaviali ŭ Maskvie kryminalnuju spravu
Prezident Litvy pieradaŭ vitańnie skandalna viadomamu biełaruskamu videabłohieru. Jak tak vyjšła?