Piensijanierka zhubiłasia ŭ lesie ŭ Ivacevickim rajonie — jaje šukali 164 čałavieki i 51 adzinka techniki
Znajšli praz amal dvoje sutak.
03.06.2024 / 15:12
65-hadovaja žančyna pajšła 31 maja z pasiołka Cielachany ŭ les pa travu — i źnikła.
Spačatku muž i miascovyja žychary sprabavali adšukać piensijanierku samastojna, ale sproby nie ŭviančalisia pośpiecham. Tady svajaki vyrašyli pryciahnuć MNS.
U pošukavaj apieracyi ŭdzielničali 164 čałavieki, u tym liku dobraachvotniki, i 51 adzinka techniki. Dla abśledavańnia lesu ŭžyvalisia drony ź ciepłavizaram.
Da viečara 1 červienia byli vyjaŭlenyja ślady žančyny, nieŭzabavie vałanciory znajšli palčatku piensijanierki. Samu žančynu vyjavili ŭ 11.25 2 červienia — jana išła pa lesie. Jaje pakłali na nasiłki i pieradali miedykam. Piensijanierku špitalizavali.