Vincent Dunin-Marcinkievič znoŭ zaśviaciŭsia ŭ suviazi z «ekstremizmam»
3.06.2024 / 17:13
Sud Žytkavickaha rajona 24 traŭnia pryznaŭ «ekstremisckimi materyjałami» pradmovu Jazepa Januškieviča da zbora tvoraŭ Vincenta Dunina-Marcinkieviča, piša «Viasna».
Dvuchtomny zbor tvoraŭ Dunina-Marcinkieviča ŭžo byŭ pryznany «ekstremisckimi materyjałami» ŭ listapadzie 2023 hoda tym ža sudom Žytkavickaha rajona. Ale paźniej rašeńnie rajonnaha suda admianiŭ prezidyum Homielskaha abłasnoha suda 11 sakavika 2024 hoda.
Ciapier hety samy dvuchtomnik biełaruskaha kłasika znoŭ źjaviŭsia ŭ adpaviednym śpisie na sajcie Mininfarma — adnak hetym razam «ekstremisckaj» pryznanaja tolki pradmova da jaho.