Interpoł admoviŭsia vydać order na aryšt polskaha sudździ Šmita
Interpoł admoviŭsia vydać zapytany ŭładami Polščy mižnarodny order na aryšt eks-sudździ Tomaša Šmita, jaki ŭciok u Biełaruś. Pra heta ŭ aŭtorak, 4 červienia, ahienctvu PAP paviedamiła pres-sakratar Hałoŭnaj kamiendatury palicyi respubliki Katažyna Novak.
05.06.2024 / 08:18
Pryčynaj admovy, pavodle jaje słoŭ, staŭ artykuł 3 statuta Interpoła, jaki zabaraniaje arhanizacyi «ažyćciaŭlać jakoje-niebudź umiašańnie abo dziejnaść palityčnaha, vajennaha, relihijnaha abo rasavaha charaktaru».
«Interpoł admoviŭsia vydać čyrvonaje apaviaščeńnie ŭ dačynieńni da sudździ Tomaša Šmita ŭ suviazi z tym, što jon nie dazvalaje pieradavać pa svaich kanałach dadzienyja pa dziejańniach suprać biaśpieki dziaržavy, jakija vyznačajucca jak palityčnyja złačynstvy», — cytuje Novak PAP.
U Varšavie 55-hadovamu Šmitu vystaŭlena abvinavačańnie ŭ špijanažy.
Tomaš Šmit uciok u Biełaruś 6 maja. Jon daŭ u Minsku pres-kanfierencyju, na jakoj abviaściŭ, što maje namier zapytać u Biełarusi palityčny prytułak.
Polskija śpiecsłužby miarkujuć, što Šmit niekalki hadoŭ kantaktavaŭ ź biełaruskaj raźviedkaj i rasijskimi ahientami ŭ Polščy.
Źbiehłaha polskaha sudździu, imavierna, pasialili ŭ Drazdach
U Polščy raskazali, jak sudździa Šmit zajechaŭ u Biełaruś. Turcyja ni pry čym
«Na jaho žyćcio palujuć ahienty CRU, a jon hulaje pa Minsku, prosta sarvihałava»