Pa danosie Bondaravaj zatrymany suzasnavalnik ivent-ahienctva «Ružovaja ziebra»
Siłaviki apublikavali videa z zatrymanym suzasnavalnikam ivent-ahienctva «Ružovaja ziebra» Aleham Astralenkam. Hubazikaŭcy ŭ paście spasłalisia na danos Volhi Bondaravaj, u jakim jana patrabuje ad Minkulta zładzić čystki rejestra arhanizataraŭ kancertnaj dziejnaści.
05.06.2024 / 10:06
Na videa pradprymalnika prymusili skazać, što jon dvojčy ŭ 2020 hodzie vychodziŭ na akcyi, a taksama ŭ ich mierapryjemstvach dvojčy ŭdzielničaŭ Jaŭhien Bułka.
Astralenka havoryć, što praź jahony ŭdzieł u pratestach Minkult vyklučyć jaho kampaniju z rejestra arhanizataraŭ kulturnych mierapryjemstvaŭ.
Hubazikaŭcy ŭ svaim paście pad videa z Astralenkam spasyłajucca na danos Volhi Bondaravaj, u jakim jana patrabuje ad Minkulta zładzić čystki rejestra arhanizataraŭ kancertnaj dziejnaści. «Ciapier hetamu pakładzieny kaniec. Pieramieny nastupili», — pišuć siłaviki.
U apošnija tydni zatrymańni arhanizataraŭ kulturna-masavych mierapryjemstvaŭ adbyvajucca pa ŭsioj krainie.
Siłaviki zatrymali viadučaha Kiryła Ałachvierdziana
U Breście zatrymali jašče adnaho viadučaha masavych mierapryjemstvaŭ
U Minsku siłaviki zatrymali viadoŭcu kvizaŭ i śviataŭ za ŭdzieł u pratestach 2020 hoda
U Hrodnie zatrymali hukarežysiora centra kultury
U Breście zatrymali arhanizatara mierapryjemstvaŭ i viadoŭcu śviataŭ