Hałoŭnakamandujučy USU nazvaŭ hałoŭnuju stratehičnuju zadaču
Alaksandr Syrski adznačyŭ, što siły bieśpiłotnych sistem — heta rod vojskaŭ, jaki va ŭmovach novych vyklikaŭ i realij pavinien pastajanna ŭdaskanalvacca.
06.06.2024 / 09:50
Telehram-kanał Alaksandra Syrskaha
Hałoŭnakamandujučy Uzbrojenych sił Ukrainy Alaksandr Syrski aznačaje, što adnoj ź jaho stratehičnych zadač źjaŭlajecca transfarmacyja ŭkrainskaha vojska ŭ vysokatechnałahičnuju armiju, piša «Ukrainskaja praŭda».
«Liču adnoj sa svaich stratehičnych zadač transfarmacyju ŭkrainskaha vojska ŭ vysokatechnałahičnuju armiju, u jakoj bajcy buduć maksimalna zabiaśpiečany technałohijami, što dapamoža mieć nie tolki pieravahu nad voraham, ale i hałoŭnaje — zachavać žyćcio našych voinaŭ», — padkreśliŭ Syrski.
Jon paviedamiŭ, što ŭ ramkach hetaj zadačy pravioŭ pasiadžeńnie Rabočaj hrupy pa pytańniach bieśpiłotnych sistem. Razam z načalnikam Hienieralnaha štaba UsU hienierał-majoram Anatolem Barhilevičam, ministram ličbavaj transfarmacyi Michaiłam Fiodaravym i kamandzirami padraździaleńniaŭ jany vyznačyli pryjarytety raźvićcia naziemnych, marskich i pavietranych bieśpiłotnych sistem i paznačyli klučavyja zadačy na ŭsich uzroŭniach.
«Palavyja kamandziry, viadomyja vam pa pazyŭnych Vieras, Madźjar i Achiles, majuć unikalny bajavy dośvied prymianieńnia, zabieśpiačeńnia i adładki bieśpiłotnych sistem. Krytyčna važna mieć ahulnaje razumieńnie dalejšaha raźvićcia hetych technałohij i ŭśviedamlać vykliki, jakija stajać pierad nami», — adznačyŭ Syrski.
Hałoŭnakamandujučy padkreśliŭ, što my ŭžo bačyli vyniki bieśpiłotnych sistem i kamand, jakija ich užyvajuć, u tym liku i na haračym Charkaŭskim kirunku. Bolš za toje, ukrainskija marskija bieśpiłotniki «vycisnuli voraha z ukrainskaj akvatoryi Čornaha mora».
«Płanujem i ŭ dalejšym palapšać łahistyku, łancuhi zabieśpiačeńnia, pracu majsterniaŭ, arhanizacyju suviazi, padrychtoŭku kadraŭ, rekrutynhu zdolnych ekipažaŭ u bieśpiłotnyja padraździaleńni, daśledčuju i ekśpierymientalnuju pracu, likvidacyju biurakratyčnych barjeraŭ, u pryvatnaści, kali havorka idzie ab śpisańni stračanych bieśpiłotnikaŭ», — adznačyŭ jon.
Syrski adznačyŭ, što siły bieśpiłotnych sistem — heta rod vojskaŭ, jaki va ŭmovach novych vyklikaŭ i realij pavinien pastajanna ŭdaskanalvacca.
«Płanuju rehularna pravodzić takija sustrečy. My budziem hnutkimi, dynamičnymi i budziem dziejničać na apiaredžańnie. Tolki tak zmožam pabudavać vojska budučyni», — adznačyŭ hałoŭnakamandujučy.
Z-za składanaj situacyi na ŭschodzie hałoŭnakamandujučy USU dvoje sutak pravioŭ na pieradavoj
Syrski abmalavaŭ situacyju na froncie, na niekatorych kirunkach rasiejcy majuć pośpiechi
Piśmieńnik Siarhiej Žadan ustupiŭ u šerahi Nachvardyi