Kolkaść paciarpiełych pry sutyknieńni tramvajaŭ u rasijskim Kiemieravie dasiahnuła 108 čałaviek
Paškodžańni atrymali piać dziaciej, 78 paciarpiełych dastavili ŭ try balnicy.
06.06.2024 / 11:07
Kolkaść paciarpiełych pry sutyknieńni tramvajaŭ u rasijskim Kiemieravie dasiahnuła 108 čałaviek, adzin ź jakich zahinuŭ, paviedamlajuć ułady hetaha horada.
Jak udakładniŭ pamočnik kiraŭnika Ministerstva achovy zdaroŭja Rasii Alaksiej Kuźniacoŭ, paškodžańni atrymali piać dziaciej, 78 paciarpiełych dastavili ŭ try balnicy ŭ Kiemierava. Jon dadaŭ, što niekalkim pacyjentam užo pravodziacca chirurhičnyja apieracyi.
Avaryja adbyłasia ranicaj u čaćvier. Tramvaj na vysokaj chutkaści ŭvajšoŭ u pavarot, u hety momant adčynilisia piarednija i zadnija dźviery i dva čałavieki vylecieli na prajeznuju častku pad koły mašyny, jakija paśpieli zatarmazić.
Śledčy kamitet Rasii raspačaŭ kryminalnuju spravu ab akazańni pasłuh, jakija nie adpaviadajuć patrabavańniam biaśpieki žyćcia abo zdaroŭja spažyŭcoŭ. Rasśledavańnie ŭziata na prakurorski kantrol.
U rasijskim Kiemieravie sutyknulisia dva tramvai: traŭmy atrymali 90 čałaviek
U Minsku taksi ŭrezałasia ŭ tramvaj
U Minsku čałaviek jechaŭ tramvajem, pryčapiŭšysia da jaho zzadu VIDEA