Piensijanierku ź Lidy asudzili nibyta za abrazu Łukašenki. Jaje zdaŭ sužyciel
U sudzie Lidskaha rajona vyniesieny prysud žycharcy pasiołka Bierdaŭka piensijaniercy Taćcianie Čekiel, jakuju abvinavacili ŭ abrazie Alaksandra Łukašenki pavodle č. 1 art. 368 Kryminalnaha kodeksa. Spravu razhladaŭ sudździa Alaksandr Mišuroŭ, piša «Viasna».
06.06.2024 / 11:36
Da suda žančyna znachodziłasia pad padpiskaj ab niavyjeździe.
Pa materyjałach śledstva, Taćciana Čekiel, znachodziačysia pa miescy žycharstva ŭ stanie ałkaholnaha apjanieńnia «naŭmysna i publična vykazała frazu, jakaja ŭtrymlivaje niehatyŭnuju acenku Alaksandra Łukašenki, vyjaŭlenuju ŭ nieprystojnaj abraźlivaj formie».
U prysutnaści milicejskaha patrula, jakoha vyklikła piensijanierka, u jakoj prapaŭ mabilny telefon, žančyna abražała Łukašenku. Hetuju frazu čuŭ sužyciel žančyny i śviedčyŭ suprać jaje ŭ sudzie.
Sud pryznaŭ piensijanierku vinavataj i pryznačyŭ joj pakarańnie ŭ vyhladzie abmiežavańnia voli biez nakiravańnia ŭ papraŭčuju ŭstanovu na dva hady (to-bok «chatniaja chimija»).
«Małankami prabić svabody darohu». Dzianis Ivašyn u niavoli sustrakaje 45 hadoŭ
74-hadovaha piensijaniera z Chojnikaŭ asudzili za palityku i bojeprypasy
56-hadovamu ajcišniku ź Minska pahražaje da 12 hadoŭ kałonii za danaty