Amal usie kvitki na matč Biełaruś — Rasija pradadzienyja
Na hulni čakajecca anšłah.
06.06.2024 / 15:19
Fota: abff.by
«Amal usie kvitki na tavaryski matč zbornaj Biełarusi i Rasii raskuplenyja — zaŭtra budzie anšłah. Taksama na siońniašni dzień zareziervavana jašče krychu bolš za adnu tysiaču biletaŭ dla tych zaŭziataraŭ, jakija buduć nabyvać ich u apošni momant pierad samim matčam, — skazaŭ namieśnik staršyni Biełaruskaj fiederacyi futbołu Andrej Vasilevič.
Źmiaščalnaść stadyjona «Dynama» — 22 246 hledačoŭ.
Matč Biełaruś — Rasija projdzie ŭ piatnicu na stadyjonie «Dynama» i pačniecca a 20-j viečara.
Paśla poŭnamaštabnaha ŭvarvańnia Rasii va Ukrainu rasijskija futbolnyja kłuby i zbornyja adchilenyja ad mižnarodnych spabornictvaŭ, a biełaruskija zbornyja i kłuby vymušanyja pravodzić pajadynki na niejtralnym poli (matčy prachodziać u Sierbii i Vienhryi).
Takim čynam, hulnia Biełaruś — Rasija budzie pieršaj u Biełarusi z kanca 2021 hoda.
11 červienia Biełaruś zhulaje tavaryski matč ź Izrailem u Vienhryi.
Madrydski «Reał» vyjhraŭ futbolnuju Lihu čempijonaŭ
Padčas finalnaha matču Lihi čempijonaŭ na pole vybieh fanat homielskaha treš-błohiera
Kryšcijanu Ranałdu pastaviŭ čarhovy rekord. Hetym razam u sacsietkach