U Estonii chočuć abmiežavać biełarusam prava na kuplu nieruchomaści
Estonski parłamient pačaŭ abmierkavańnie prajekta zakona pa abmiežavańni prava kupli nieruchomaści dla hramadzian Biełarusi i Rasii. Pra heta stała viadoma padčas pres-kanfierencyi va ŭradzie krainy 6 červienia, paviedamlaje Delfi.ee.
06.06.2024 / 22:03
Panarama Talina. Fota: Aliaksandr Antanovich / vecteezy.com
Pa słovach ministra ŭnutranych spraŭ Estonii Łaŭry Laeniemietsa, takija namiery źviazanyja z aściarohami adnosna taho, što takuju nieruchomaść buduć vykarystoŭvać dla raźviedki, sabatažu abo varožych dziejańniaŭ suprać dziaržavy. Jon śćviardžaje, što takija prykłady ŭžo byli ŭ inšych krainach.
Tak, pavodle źviestak ministra, rasijski biznesoviec kupiŭ u Finlandyi niekalki astravoŭ pobač sa stratehična važnymi abjektami i abstalavaŭ tam viertalotnyja placoŭki. Taksama byŭ vypadak u Narviehii, kali rasijanin kupiŭ nieruchomaść kala aeradroma NATA.
Abmiežavańni na kuplu nieruchomaści ŭžo ŭviali ŭ rajonach kala dziaržaŭnaj miažy, ciapier ich chočuć pašyryć. Čakajecca, što jany buduć raspaŭsiudžvacca navat na tych biełarusaŭ i rasijan, jakija žyvuć u Estonii pastajanna.
«Zabarona na ŭvoz praduktaŭ vyhladaje niepryhoža, ale dyktujecca banalnymi patrebami biaśpieki»
Estonija dazvoliła kanfiskoŭvać zamarožanyja rasijskija aktyvy