Siertyfikaty CT pačnuć vydavać abituryjentam 1 lipienia
Siońnia ž projdzie apošniaje CT.
07.06.2024 / 09:22
Ilustracyjnaje fota bsuir.by
Siertyfikaty centralizavanaha teściravańnia pačnuć vydavać abituryjentam u punktach praviadzieńnia CT z 1 lipienia, pra heta paviedamlaje Minadukacyi.
Pa kožnym pradmiecie jość padrabiaznyja śpiecyfikacyi, jakija apublikavanyja. Akramia taho, usie zadańni prachodziać nie tolki ŭnutranuju, ale i źniešniuju ekśpiertyzu, dla čaho majecca hrupa śpiecyjalistaŭ.
Zdača centralizavanaha teściravańnia (CT) i centralizavanaha ekzamienu (CE) startavała ŭ Biełarusi 27 maja. CE źjaŭlajecca adnačasova vypusknym i ŭstupnym vyprabavańniem u VNU. Taksama dla pastupleńnia abituryjentam nieabchodna zdać jašče adno CT.
Apošniaje CT u asnoŭnym hrafiku projdzie siońnia. Adzinaccacikłaśniki zmohuć zdać u piatnicu chimiju, fiziku, hramadaznaŭstva i historyju Biełarusi.
Ustupnaja kampanija ŭ dziaržaŭnych VNU Biełarusi pačniecca ŭžo ŭ červieni. Pieršymi zmohuć padać dakumienty metaviki, zatym — biudžetniki i płatniki.
Brescki vypusknik vykłaŭ u sieciva fota svajho testu pa matematycy. Heta było lišnim
Biełaruskuju movu na CT abrali kala 16% abituryjentaŭ
Siońnia školniki zdajuć CT adrazu pa piaci pradmietach