Stała viadoma, kali ŭ poŭnuju siłu zapracuje śmiećciepierapracoŭčy zavod pad Minskam
Rekanstrukcyja zavoda dazvolić pavialičyć vytvorčuju mahutnaść zavoda da 600 tysiač ton u hod.
07.06.2024 / 12:28
Pra toje, kali śmiećciepierapracoŭčy zavod pad Minskam zapracuje ŭ poŭnuju mieru — i na im pačnuć sartavać usie staličnyja adkidy — paviedamiła namieśnik hiendyrektara pa dobraŭparadkavańni, sanitarnym utrymańni žyłfondu «Minskaj haradskoj žyllovaj haspadarki» Anastasija Varabjova, piša smartpress.by.
«Pa minułym hodzie pracent vykarystańnia adkidaŭ pa horadzie Minsku skłaŭ 38,7%. Chaču skazać, što na siońniašni dzień užo ŭ Minsku vykonvajecca šerah mierapryjemstvaŭ pa rekanstrukcyi isnujučaha śmiećciepierapracoŭčaha sartavalnaha zavoda (raźmieščany pobač z palihonam adkidaŭ «Traścianiecki»). Užo viaducca budaŭničyja raboty», — adznačyła ekśpiert.
Jana dadała, što «rekanstrukcyja zavoda dazvolić pavialičyć vytvorčuju mahutnaść zavoda da 600 tys.t u hod. Heta značyć, usie adkidy, jakija ŭtvarajucca ŭ Minsku, buduć nakiroŭvacca na hety zavod, adsartoŭvacca druhasnyja materyjalnyja resursy».
Taksama na zavodzie pačnuć pierapracoŭvać bujnahabarytnyja adchody i vyrablać da 114 tys.t u hod RDF-paliva (anhł. refuse-derived fuel, paliva, atrymanaje z adkidaŭ) dla patreb cemientnaj pramysłovaści.
«Na siońniašni dzień užo pačaty budaŭničyja raboty, płanujecca zaviaršyć da červienia nastupnaha hoda — užo zapuścić zavod na poŭnuju mahutnaść», — reziumavała Varabjova.
U Mazyry vykinuli na śmietnik nievierahodnuju kolkaść chatnich zakatak VIDEA
U Naračy baćka i syn znajšli na śmietniku butelku z ružovaj vadkaściu — abodva zahinuli
Školniki vyrašyli pakidać śmiećcie ŭ Viečny ahoń na płoščy Pieramohi — ciapier im pahražaje termin