U Minsku na try dni daduć haračuju vadu ŭsim. Kali?
«Minskija ciepłavyja sietki» i «Minskkamunciepłasietka» prypyniać płanavyja adklučeńni haračaj vady ŭ stalicy na pieryjad śviatkavańnia Dnia Niezaležnaści — z 2 pa 4 lipienia.
07.06.2024 / 13:04
Fota: Ont.by
Kab zabiaśpiečyć nadziejnaje i bieśpierabojnaje voda– i enierhazabieśpiačeńnie, pastaŭščyki pasłuh na śviata arhanizujuć pracu dadatkovych avaryjna-adnaŭlenčych bryhad. Va ŭzmocnienym režymie budzie pracavać i haradskaja avaryjnaja słužba, pišuć Minsk-naviny.
Užo padrychtavana rasparadžeńnie Minharvykankama ab zabaronie praviadzieńnia ziemlanych rabot dla płanavych rabot na padziemnych inžyniernych sietkach.
Namieśnik staršyni Minharvykankama Aleh Korzun daručyŭ techničnamu ŭpraŭleńniu Minharvykankama zabiaśpiečyć «strohi kantrol vykanańnia hetaha rasparadžeńnia, a taksama jakaści dobraŭparadkavańnia na abjektach, dzie raboty pavinny być zavieršany da śviata».