«My ŭsio jašče ŭ spravie, na 100% i da kanca». Bajden paprasiŭ u Zialenskaha prabačeńnia za zatrymku vajskovaj dapamohi
Prezident ZŠA Džo Bajden 7 červienia publična paprasiŭ prabačeńnia ŭ prezidenta Ukrainy Uładzimira Zialenskaha za šmatmiesiačnuju zatrymku amierykanskaj vajskovaj dapamohi, jakaja dazvoliła Rasiei damahčysia pośpiechaŭ na poli boju, piša Euronews.
07.06.2024 / 19:10
Fota: AP Photo/Evan Vucci
Vystupajučy ŭ Paryžy, kudy abodva prezidenty zaprošanyja ŭ ramkach śviatkavańnia 80-j hadaviny vysadki sajuźnikaŭ u Narmandyi, Džo Bajden zajaviŭ Uładzimiru Zialenskamu, što prosić prabačeńnia pierad ukrainskim narodam za toje, što jon šmat tydniaŭ znachodziŭsia ŭ padviešanym stanie, nie viedajučy, ci pastupić dadatkovaja dapamoha ad ZŠA.
Bajden pry hetym padkreśliŭ, što amierykanski narod budzie padtrymlivać Ukrainu ŭ doŭhaterminovaj pierśpiektyvie.
«My ŭsio jašče ŭ spravie, na 100% i da kanca», — zajaviŭ amierykanski prezident.
Bajden prybyŭ u Francyju dla ŭdziełu va ŭračystaściach u pamiać 80-hodździa vysadki ŭ Narmandyi
U Kijevie paradavalisia, što ŭ mirnym samicie pa Ukrainie voźmie ŭdzieł vice-prezident ZŠA
Jak źmienicca śviet, kali Tramp stanie prezidentam? Razvažaje Epłbaŭm