U Minsku adkryŭsia praduktovy supiermarkiet biez kasiraŭ
U žyłym kompleksie «Minsk-Śviet» na praśpiekcie Miru, 2, adkryłasia pieršaja krama «Jeŭraopt» biez tradycyjnych kas. Ciapier usie pakupki tut apłačvajucca praz kasy samaabsłuhoŭvańnia — bankaŭskaj kartaj, smartfonam, razumnymi hadzińnikami abo navat najaŭnymi (asablivy ałharytm), piša «Anłajnier».
07.06.2024 / 19:31
Fota: Jeŭraopt
Krama raźmieščanaja ŭ hmachu «Sidnej» kala skryžavańnia z vulicaj Aeradromnaj. U joj niama tradycyjnych kas, što dazvoliła vyzvalić bolš miesca dla tavaraŭ.
Fota: Jeŭraopt
Stełažy rasstaŭlenyja pa dyjahanali, z šyrokimi prachodami. Unutry jość dźvie doŭhija vitryny z małočnymi i miasnymi praduktami, pryłavak sa śviežym chlebam, a kala voknaŭ — zona z sadavinoj i harodninaj. Taksama tut možna znajści bakaleju, zamarožanyja pradukty, napoi, haspadarčyja tavary i korm dla žyvioł. Jość i kava-pojnt, dzie možna ŭziać kapučyna za 1,99 rubla.
Fota: Jeŭraopt
Dla apłaty ŭ kramie ŭstanoŭlena piać kas samaabsłuhoŭvańnia. Raźličycca možna bankaŭskaj kartaj, smartfonam abo razumnym hadzińnikam. Što da najaŭnych, to ź imi taki ałharytm: skanuješ tavary, vybiraješ na ekranie apłatu najaŭnymi i atrymlivaješ pieradček. Ź im možna padyści da stojki administratara, jaki pieraličyć kupiury.
Fota: Jeŭraopt
U pres-słužbie «Jeŭrahandlu» adznačyli, što prahramnaje zabieśpiačeńnie dla hetych kas było raspracavana ŭłasnymi siłami kampanii. Heta dazvoliła chutka ŭkaranić novyja technałohii.
Fota: Jeŭraopt
Kali hetaja krama budzie mieć pośpiech, to takija samyja adkryjuć i ŭ inšych miescach.
Za kolki siońnia možna adpačyć z šašłykom i jak źmianilisia ceny ŭ paraŭnańni ź letašnimi?
Dačka «Jeŭraopta» pieratvaryłasia ŭ markietpłejs