Byłoha mera Kupianska, jaki źbieh u Rasiju, sprabavali zastrelić — jon u krytyčnym stanie
Zamach na byłoha mera ŭkrainskaha horada Kupianska Hienadzia Macehoru, jaki supracoŭničaŭ z rasijskimi vajskoŭcami, adbyŭsia 7 červienia ŭ rasijskim horadzie Stary Askoł (Biełharadskaja vobłaść). Ciapier jon u balnicy ŭ krytyčnym stanie, paviedamlaje Hałoŭnaje ŭpraŭleńnie raźviedki Ukrainy.
08.06.2024 / 18:25
Hienadź Macehora
U Macehoru stralali kala jaho doma, dadaje rasijski pablik Mash.
Paśla akupacyi Kupianska Macehora supracoŭničaŭ z rasijskimi vajskoŭcami.
«U červieni 2022 hoda jon padpisaŭ tak zvany pratakoł stvareńnia akupacyjnaj Charkaŭskaj administracyi i publična pra heta abviaściŭ. Paśla vyzvaleńnia Kupianska źbieh z rasiejcami ŭ Biełharadskuju vobłaść, dzie maskoŭskija haspadary prystavili da Macehory ŭzmocnienuju achovu», — adznačyli ŭ HUR.
Apošnim časam były mer pracavaŭ u Rasii dyrektaram fizkulturna-azdaraŭlalnaha kompleksa «Hieorhijeŭski».