Krainy Bałtyi vychodziać z elektrakalca ź Biełaruśsiu i Rasijaj i sinchranizujucca z elektrasietkami Jeŭropy
Krainy Bałtyi da 7 žniŭnia paviedamiać Biełarusi i Rasii ab vychadzie z dahavora BREŁŁ i sinchranizacyi z elektrasietkami kantynientalnaj Jeŭropy, paviedamiła ministerstva enierhietyki Litvy.
09.06.2024 / 08:40
Ilustracyjny zdymak. Fota: Minenierha
«Uzrovień hatoŭnaści da sinchranizacyi z elektrasietkami kantynientalnaj Jeŭropy składaje amal 100 pracentaŭ. Ciapier samaje hałoŭnaje — zaviaršyć nieabchodnyja pracedury ŭzhadnieńnia z Asacyjacyjaj jeŭrapiejskich apierataraŭ sistem pieradačy elektraenierhii i razam z Łatvijaj i Estonijaj prainfarmavać baki dahavora BREŁŁ ab jaho niepadaŭžeńni», — zajaviŭ ministr enierhietyki Litvy Dajnius Krejvis.
Litva, Łatvija, Estonija, Rasija i Biełaruś na dadzieny momant pracujuć u tak zvanym kalcy BREŁŁ (abrevijatura ź pieršych litar nazvaŭ krain), dzie častata elektraenierhii centralizavana rehulujecca ŭ Rasii.
Kali damova pa BREŁŁ nie budzie skasavanaja da 8 žniŭnia, pahadnieńnie ad 2001 hoda budzie padoŭžanaje aŭtamatyčna.
U lutym 2025 hoda apieratary elektrasietak Litvy, Łatvii i Estonii namiecili z vychadam z BREŁŁ pratestavać pracu ŭ izalavanym režymie, a paśla hetaha padklučycca praz Polšču da enierhasistemy ES.
Raniej kampanija Elering, jakaja zjaŭlajecca apierataram nacyjanalnych elektrasietak Estonii, vykazvała zaniepakojenaść z nahody taho, što paśla nakiravańnia Rasii aficyjnaha apaviaščeńnia ab vychadzie z BREŁŁ, ad Maskvy možna čakać peŭnaj reakcyi, i da hetych ryzyk nieabchodna rychtavacca.
U Biełarusi mohuć istotna padaražeć aŭtamabili. Usio praz novyja jeŭrapiejskija patrabavańni
«Zabarona na ŭvoz praduktaŭ vyhladaje niepryhoža, ale dyktujecca banalnymi patrebami biaśpieki»
U traŭni Litva pazbaviła DNŽ amal paŭtary tysiačy zamiežnikaŭ