Украінцы ўпершыню ударылі па найноўшым Су-57 — ГУР
8 чэрвеня на тэрыторыі аэрадрома «Ахтубінск» у Астраханскай вобласці РФ, размешчаным у 589 кіламетрах ад лініі фронта, атакаваны шматмэтавы расійскі знішчальнік Су-57. Пра гэта паведамляе ГУР са спасылкай на спадарожнікавыя здымкі стаянкі самалёта на аэрадроме.
09.06.2024 / 09:30
Разведка адзначае, што на здымках бачна, як 7 чэрвеня Су-57 стаіць цэлы, а ўжо 8 чэрвеня каля яго зʼявіліся варонкі ад выбуху і характэрныя плямы пажару, які ўзнік у выніку агнявога паражэння.
Пашкоджанне Су-57 — гэта першы такі выпадак у гісторыі. Гэта самы сучасны расійскі знішчальнік, які здольны выкарыстоўваць для ўдараў ракеты Х-59 і Х-69.
На ўзбраенні паветрана-касмічных сіл Расіі знаходзяцца адзінкі такіх баявых самалётаў.