Ukraincy ŭpieršyniu udaryli pa najnoŭšym Su-57 — HUR
8 červienia na terytoryi aeradroma «Achtubinsk» u Astrachanskaj vobłaści RF, raźmieščanym u 589 kiłamietrach ad linii fronta, atakavany šmatmetavy rasijski źniščalnik Su-57. Pra heta paviedamlaje HUR sa spasyłkaj na spadarožnikavyja zdymki stajanki samalota na aeradromie.
09.06.2024 / 09:30
Raźviedka adznačaje, što na zdymkach bačna, jak 7 červienia Su-57 staić ceły, a ŭžo 8 červienia kala jaho zjavilisia varonki ad vybuchu i charakternyja plamy pažaru, jaki ŭźnik u vyniku ahniavoha paražeńnia.
Učora Minabarony RF zajaŭlała ab źbićci dronaŭ nad Astrachanskaj vobłaściu.
Paškodžańnie Su-57 — heta pieršy taki vypadak u historyi. Heta samy sučasny rasijski źniščalnik, jaki zdolny vykarystoŭvać dla ŭdaraŭ rakiety Ch-59 i Ch-69.
Na ŭzbrajeńni pavietrana-kaśmičnych sił Rasii znachodziacca adzinki takich bajavych samalotaŭ.
Rasijanam nie ŭdałosia realizavać Charkaŭskuju apieracyju — Zialenski
Byłoha mera Kupianska, jaki źbieh u Rasiju, sprabavali zastrelić — jon u krytyčnym stanie
Rasiejcy pierakidvajuć vajskoŭcaŭ z Chiersonščyny na Charkaŭ