Cichanoŭskaja znoŭ jedzie ŭ Vašynhton
Demakratyčnaja lidarka Biełarusi Śviatłana Cichanoŭskaja 11—13 červienia naviedaje Vašynhton, paviedamlaje «Pozirk» sa spasyłkaj na hałoŭnaha daradcu Cichanoŭskaj Franaka Viačorku.
09.06.2024 / 18:53
Džo Bajden i Śviatłana Cichanoŭskaja padčas sustrečy ŭ Vilni 12 lipienia 2023 hoda
Pavodle słoŭ Viačorki, u ZŠA ŭ Cichanoŭskaj zapłanavanyja sustrečy «z vysokimi pradstaŭnikami» Biełaha doma, u Dziaržaŭnym departamiencie, z hanarovym śpikieram Pałaty pradstaŭnikoŭ Nensi Piełasi, u abiedźviuch pałatach Kanhresa, sa śpikierami i ŚMI.
Taksama projduć pieramovy z daradcam vice-prezidenta pa nacyjanalnaj biaśpiecy Fiłam Hordanam, pamočnikam administratara USAID Eryn Elizabet Maki, u Chielsinkskim kamitecie ZŠA — pa pytańni palitviaźniaŭ u Biełarusi.
Sustrečy na vysokim uzroŭni z najvyšejšymi amierykanskimi čynoŭnikami ŭ Śviatłany Cichanoŭskaj byli i raniej. 28 lipienia 2021 hoda prezident ZŠA Džo Bajden i Śviatłana Cichanoŭskaja sustrelisia ŭ Vašynhtonie. U sakaviku 2023 hoda biełaruskaja demakratyčnaja lidarka naviedała Złučanyja Štaty na zaprašeńnie Kanhresa. A 12 lipienia minułaha hoda Cichanoŭskaja sustrełasia z Bajdenam padčas jahonaha pryjezdu ŭ Vilniu.
Čamu mnohim nie padabajecca Franak Viačorka?
U Ofisie Cichanoŭskaj papiaredzili biełarusaŭ pra niebiaśpieku naviedvańnia AAE