Palitźniavolenaha žurnalista Dzianisa Ivašyna źmiaścili ŭ ŠIZA
Žurnalista Dzianisa Ivašyna adpravili ŭ ŠIZA turmy №8 u Žodzina. Imavierna, tam jon sustreŭ svoj 45-hadovy jubilej. Suviazi z palitviaźniam niama ŭžo amal try tydni.
10.06.2024 / 11:02
Pra pakarańnie Dzianisa Ivašyna z ułasnych krynic daviedaŭsia aktyvist Vitaŭt Siŭčyk — simvaličny «chrosny» žurnalista, piša BAŽ.
Pavodle dadzienych Siŭčyka, Ivašyna źmiaścili u ŠIZA 21 traŭnia 2024 hoda na 10 sutak. 31 traŭnia termin pakarańnia pavinien byŭ skončycca, ale suviazi z palitviaźniam dahetul niama. Tamu Vitaŭt Siŭčyk vykazvaje zhadku, što žuraniłst pa-raniejšamu zastajecca ŭ ŠYZA i, vierahodna, tam i sustreŭ svajo 45-hodździe 6 červienia.
Farmalnaja pryčyna pakarańnia, pavodle krynicy, — heta niepadparadkavańnie administracyi. «Nasamreč palitźniavolenaha žurnalista sprabavali pieravieści ŭ inšuju kameru, dzie, ź vialikaj imaviernaściu, znachodziŭsia čałaviek «ź nizkim statusam». Dzianis admoviŭsia tudy zachodzić», — tłumačyć Siŭčyk.
«Nahodaj dla pieravodu nibyta stałasia rasfarmavańnie SIZA‑1 na Vaładarskaha, i etap častki viaźniaŭ ź Piščałaŭskaha zamku ŭ Žodzina. Ale kamera, u jakoj Dzianis Ivašyn pierabyvaŭ dahetul, nia maje novych «žycharoŭ». Možna zrabić vysnovu, što temu pieravodu prosta vykarystali, kab napiaredadni dnia narodzinaŭ adpravić Dzianisa ŭ katavalniu karcara».
Raniej žonka Dzianisa Volha Ivašyna paviedamlała, što listy ad muža pierastali prychodzić ad 20 traŭnia.
«Padajecca, našaha vajara namahajucca psychalahična vybić z raŭnavahi, złamać čarhovymi katavańniami», — napisała jana.
Dzianisa nieadnarazova źmiaščali ŭ ŠYZA ŭ Mahiloŭskaj kałonii, a ŭ 2021 hodzie padčas znachodžańnia ŭ karcary Haradzienskaha SIZA ŭ palitviaźnia zdaryŭsia sardečny prystup.
Žurnalist asudžany na 13 hadoŭ i 1 miesiac źniavoleńnia za svaju prafiesijnuju dziejnaść.
«Małankami prabić svabody darohu». Dzianis Ivašyn u niavoli sustrakaje 45 hadoŭ
Źniavolenamu žurnalistu Dzianisu Ivašynu zabaranili pieradačy ź vitaminami