Katalickaje «Radyjo Maryja» pierajechała ŭ sinahohu
Pierajezd byŭ terminovym — novy ŭłaśnik pačaŭ ramont raniej zapłanavanaha terminu, što pieraškadžała pracy radyjo.
10.06.2024 / 11:40
Katalickaje «Radyjo Maryja» pierajechała ŭ sinahohu. «Nam tut rady», havorać u redakcyi i pracujuć nad abstalavańniem novaha časovaha pamiaškańnia — na heta nakiravany sabranyja achviaravańni, ale zbor dapamohi praciahvajecca, piša katolik.life.
Studyju katalickaha «Radyjo Maryja» ŭ Biełarusi ŭładkoŭvajuć na novym miescy. Nahadajem, redakcyi daviałosia źjechać z arendnaha pamiaškańnia, dzie kamanda pracavała šmat hadoŭ. Pierajezd byŭ terminovym — novy ŭłaśnik pačaŭ ramont raniej zapłanavanaha terminu, što pieraškadžała pracy radyjo.
Znajści novaje, pakul časovaje, pamiaškańnie, dapamoh vypadak. Adnak, pa ironii losu, vypadkova ŭdzielniki kamandy zaŭvažyli abviestku ab arendzie pamiaškańnia ŭ adnoj ź sinahoh Minska.
Vyrašyli patelefanavać — tam nie tolki nie admovili, ale i byli rady, daviedaŭšysia, što pamiaškańnie patrebna katalickamu miedyja. Damovu zamacavali piačatkami z vyjavami Maryi i judejskaj mienory.